ოკუპირებული აფხაზეთის ე.წ. ჯანდაცვის მინისტრის თამაზ ცახნაკიას განცხადებით, ბოლო დღეებში კოვიდ-19-ით ინფიცირების დინამიკა გაზრდილია.
ამ დროისთვის ოკუპირებულ რეგიონში კორონავირუსის 10 შემთხვევაა დადასტურებული. კოვიდინფიცირებულები რუსეთის უმაღლესი სასწავლების კურსანტები არიან, რომლებიც ცოტა ხნის წინ დაბრუნდნენ სოხუმში. ამჟამად, ისინი გუდაუთის საავადმყოფოში გადიან მკურნალობის კურსს.
ამ დროისთვის სოხუმის სასტუმრო "აინტარში" 258 ადამიანი კარანტინშია, საიდანაც 218 კურსანტია, რომლებიც მოსკოვისა და სანქტ-პეტერბურგის სამხედრო სასწავლებლიდან დაბრუნდნენ.
ოკუპირებულ აფხაზეთში კორონავირუსისგან ერთი - 92 წლის ქალი გარდაიცვალა.
თამაზ ცახნაკიას განცხადებით, კოვიდინფიცირებულებს ანტიბიოტიკური თერაპია უტარდებათ და მათი ჯანმრტელობის მდგომარეობა დამაკმაყოფილებელია. პაციენტები უზრუნველყოფილი არიან მედიკამენტებით და სამჯერადი კვებით.
თამაზ ცახნაკიას თქმით, 14 მაისს გუდაუთის საავადმყოფოდან გამოჯანმრტელებულ პაციენტებს გაწერენ.
სარეკლამო ადგილი - 11 650 x 60 |