ოკუპირებულ აფხაზეთში კორონავირუსის ერთი ახალი შემთხვევა გამოვლინდა. ე.წ. ოპერატიული შტაბის ინფორმაციით, დღეს ტესტირება ჩაუტარდა 17 ადამიანს, საიდანაც მხოლოდ ერთს დაუდასტურდა კორონავირუსი.
ინფიცირებული გუდაუთის ცენტრალურ საავადმყოფოში გადაიყვანეს, სადაც ამ დროისთვის ცხრა პაციენტი მკურნალობს. ორ მათგანს ცალმხრივი პნევმონია აღენიშნება სუნთქვის უკმარისობის გარეშე. პაციენტების საერთო მდგომარეობა დამაკმაყოფილებელია.
მთლიანად, ოკუპირებულ რეგიონში სულ 10 ადამიანია კოვიდინფიცირებული. ერთი - 92 წლის ქალი გარდაიცვალა.
კორონავირუსი ექვს კურსანტს რამდენიმე დღის წინ დაუფიქსირდა, რომლებიც აფხაზეთში რუსეთიდან ჩავიდნენ. მანამდე, გუდაუთის საავადმყოფოში სამი კოვიდინფიცირებული პაციენტი მოათავსეს. ერთ-ერთ მათგანი კაცი, რუსეთში მივლინებაში იმყოფებოდა, ორი კი მისგან დაინფიცირდა.
სარეკლამო ადგილი - 11 650 x 60 |