საერთაშორისო ოლიმპიური კომიტეტის (IOC) პრეზიდენტის თომას ბახის თქმით, IOC-სა და ტოკიოს ოლიმპიური თამაშების ორგანიზატორებს შორის სრული გაგებაა.

„დღეს ტოკიოს თამაშებისთვის სამზადისზე ვიმსჯელეთ. იაპონელები დარწმუნებულები არიან, რომ გაისად ზაფხულში წარმატებით ჩაატარებენ თამაშებს. IOC-სა და საორგანიზაციო კომიტეტს შორის სრული ურთიერთგაგებაა. აღმასრულებელი საბჭოს ბოლო სხდომის შემდეგ ჩვენ უკვე მივაღწიეთ პროგრესს. თამაშების ორგანიზების ხარჯების შემცირების მიზნით,  მაქსიმალურად ვამარტივებთ თამაშების ჩატარებას,“ - განაცხადა თომას ბახმა.