კომპანია ZAG-ის ადვოკატმა მამუკა ჭაბაშვილმა, მოსამართლის განჩინება გაასაჩივრა, რომლის მიხედვითაც, კომპანიის 5 თანამშრომლის სახლში ჩხრეკა ჩატარდა.
ადვოკატის თქმით, განჩინებაში არ იყო დასაბუთებული, თუ რა კავშირში იყო თანამშრომლების ბინების ჩხრეკა ბაჩალიაშვილის საქმესთან.
„გუშინ კომპანია ZAG-ის რამდენიმე თანამშრომლის ბინაში ჩატარდა ჩხრეკა, ეს განჩინება პირველი აგვისტოთი იყო დათარიღებული და 7-ში ჩაატარეს ჩხრეკა.
ამ განჩინებაში ვერანაირი დასაბუთება ვერ ვნახეთ, საქმის მასალები რა შემხებლობაშია ამ ხალხის ბინების ჩხრეკასთან დაკავშირებით. საერთოდ არანაირი დასაბუთება არ იყო განჩინებაში. მხოლოდ იყო მოყვანილი მშრალად კანონის მოთხოვნები.
ყველაფერი მივაწოდეთ გამოძიებას და თუკი რაიმეს ნახავენ, მზად არის ეს ხალხი პასუხი აგოს, მაგრამ დამერწმუნეთ, ვერაფერს ნახავენ," - აცხადებს ადვოკატი მამუკა ჭაბაშვილი.
ცნობისთვის, თამარ ბაჩალიაშვილი სწორედ კომპანია"ზეგში" მუშაობდა.
| სარეკლამო ადგილი - 11 650 x 60 |
