გიორგი შაქარაშვილის საქმეზე ბრალდებული არასრულწლოვნების საქმე სასამართლოს არსებითი განხილვისთვის გადაეცა.
მცხეთის რაიონულ სასამართლოში დღეს წინასასამართლო სხდომა გაიმართა, სადაც სხვა ტექნიკურ საკითტხებთან ერთად მტკიცებულებების დასაშვებობის საკითხი განიხილეს.
რადგანაც, ბრალდებულები არასრულწლოვნები არიან, პროცესი დახურულ რეჟიმში მიმდინარეობს.
საქმის პროკურორის ნანა გუგუტიშვილის თქმით, სასამართლომ განიხილა შუამდგომლობა საქმის არსებითად გადაცემაზე, რაც დააკმაყოფილა.
„სასამართლომ განიხილა როგორც დაცვის, ისე ბრალდების მხარის შუამდგომლობები. ბრალდების მხარის წარდგენილი ყველა მტკიცებულება დასაშვებ მტკიცებულებად ცნო. შესაბამისად, დაცვის მხარის შუამდგომლობა ბრალდების მხარის მტკიცებულებების ნაწილის დაუშვებლად ცნობაზე, არ დააკმაყოფილა“, - განაცხადა ნანა გუგუტიშვილმა.
სასამართლომ უარი უთხრა ადვოკატებს იმ შუამდგომლობაზე, რომელიც არასრულწლოვანი ბრალდებული პირებისთვის დევნის შეწყვეტას ეხებოდა.
საქმეზე არსებითი განხილვა 18 აგვისტოს 15:00 საათზე გაგრძელდება.
| სარეკლამო ადგილი - 11 650 x 60 |
