გიორგი შაქარაშვილის გარდაცვალების საქმესთან დაკავშირებით "მთავარი არხის" გენერალური დირექტორი ნიკა გვარამია თბილისის საქალაქო სასამართლოში მაგისტრი მოსამართლის თანდასწრებით იკითხება.
როგორც დაკითხვაზე შესვლამდე გიორგი შაქარაშვილის გარდაცვალების საქმის პროკურორმა დავით ყაზარაშვილმა განაცხადა, გვარამიას დაკითხვა აუცილებელი გახდა მის მიერ პირდაპირ ეთერებსა თუ სხვა გადაცემებში გაკეთებული განცხადებებიდან გამომდინარე.
მისი ინფორმაციით, პროკურატურას აინტერესებს წყარო, თუ საიდან მიიღო გვარამიამ ინფორმაცია და არის თუ არა ის დადასტურებული.
ნიკა გვარამია კი აცხადებს, რომ ის დღეს წყაროს გასაჯაროებას არ აპირებს და მხოლოდ წყაროს წარმომავლობის თქმა შეუძლია, რომელიც, მისი თქმით, არის შსს-ს გენერალური ინსპექცია.
ცნობისთვის, ნიკა გვარამია საგამოძიებო უწყებაში გამოკითხვაზე გუშინ დაიბარეს. გვარამიამ საგამოძიებო უწყებაში მისვლაზე უარი განაცხადა და გამოკითხვა სასამართლოში მოითხოვა.
სარეკლამო ადგილი - 11 650 x 60 |