296
09 ივლისი 2020, 00:11
შსს-მ იმ თეთრპერანგიანი მამაკაცის ვინაობა დაადგინა, რომელიც გურამ ამირხანაშვილს შეხვდა და რომელის შესახებაც ტვ "მთავარი არხის" წამყვანი ნიკა გვარამია ირწმუნებოდა, რომ ის ავთანდილ ბილანიშვილი იყო.
მამაკაცი ამ წუთებში შსს-ში ადვოკატთან ერთად გამოკითხვაზე მივიდა.
პირი, რომელიც გიორგი შაქარაშვილის გაუჩინარების ღამეს, მის მეგობარ გური ამირხანაშვილს დიდუბეში შეხვდა და რამდენიმე წუთის განმავლობაში ესაუბრება, ხაშურელი ლაშა ლურსმანაშვილია.
შეგახსენებთ, ავთანდილ ბილანიშვილი "კაწრო" შსს-ში დღეს გამოკითხეს "მთავარ არხზე" გასული ინფორმაციის გამო.ავთანდილ ბილანიშვილმა ისე დატოვა, რომ მას ჟურნალისტებთან კომენტარი არ გაუკეთებია.
„ავთანდილ ბილანიშვილმა მოიხადა მისი მოქალაქოებრივი ვალი, გავრცელებული ამაზრზენი ინფორმაციის საპასუხოდ გამოცხადდა სამინისტროში, წარადგინა მტკიცებულებები, რითაც დასტურდება, რომ ავთანდილ ბილანიშვილი იმ დროს, იმ პერიოდში იქ არ იმყოფებოდა, საერთოდ არ გასულა უბნიდან.
მინდა გაცნობოთ, რომ ზუსტად ამ წუთებში, სამინისტრომ, გამომძიებლებმა დაადგინეს ის თეთრპერანგიანი პირი, რომელზეც „მთავარი არხი“ ამბობდა, რომ ეს არის „კაწრო“. სახელი და გვარი ჩემთვის უცნობია.
ბილანიშვილი არცერთს არ იცნობს, არ აქვს მათთან შეხება და კონტაქტი, ავთანდილ ბილანიშვილმა დაამტკიცა თავისი უდანაშაულობა იმაში, რომ იქ არ ყოფილა“, - განაცხადა ბილანიშვილის ადვოკატმა თამარ აბესაძემ.
სარეკლამო ადგილი - 11 650 x 60 |