295
24 მაისი 2020, 12:48
პროკურატურამ სასამართლოს ჩოგბურთელ ნიკოლოზ ბასილაშვილისთვის პატიმრობის შეფარდების შუამდგომლობით მიმართა.
პროკურატურის ინფორმაციით, ნ.ბ.-ს ბრალი წარედგინა ყოფილი მეუღლის მიმართ განხორციელებული ძალადობის ფაქტზე.
"საქართველოს პროკურატურამ ყოფილი მეუღლის მიმართ განხორციელებული ძალადობის ფაქტზე ნ.ბ.-ს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა.
გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნ.ბ.-მ, ურთიერთშელაპარაკების ნიადაგზე, ყოფილი მეუღლის ნ.დ.-ს მიმართ ფიზიკური ძალადობა განახორციელა.
სამართალდამცველებმა ნ.ბ. 2020 წლის 22 მაის დააკავეს", - ნათქვამია პროკურატურის ინფორმაციაში.
თბილისის საქალაქო სასამართლო ამ წუთებში განიხილავს მისთვის აღკვეთი ღონისძიების შეფარდების საკითხს.
| სარეკლამო ადგილი - 11 650 x 60 |
