დავით ზალკალიანი - მოვუწოდებთ პარტნიორებს, საქართველოს ოკუპაციის საკითხი ევროპული უსაფრთხოების დღის წესრიგის უპირველეს თემად აქციონ
სარეკლამო ადგილი - 10
650 x 60
272 12 აგვისტო 2020, 19:57

12 წლის წინ რუსეთის მიერ სუვერენულ ქვეყანაზე თავდასხმა ევროპაში საზღვრების ძალისმიერად შეცვლის მცდელობას წარმოადგენდა, რამაც უზარმაზარი დარტყმა მიაყენა წესებზე დაფუძნებულ საერთაშორისო სისტემას, – ამის შესახებ საგარეო საქმეთა მინისტრმა დავით ზალკალიანმა ყოველწლიურ კონფერენციაზე „საქართველო და სამეზობლო“ განაცხადა.

მისი თქმით, უკვე 12 წელია, რაც საქართველო ომის მდგომარეობაშია. რუსეთი გამუდმებით არღვევს ცეცხლის შეწყვეტის შეთანხმებით გათვალისწინებულ პირობებს. ამას თან ერთვის საოკუპაციო ხაზის გასწვრივ აღმართული ახალი ტიპის ბერლინის კედლები, ქართველთა ეთნიკური დისკრიმინაცია, მკვლელობის, წამების, გატაცებისა და უკანონო დაკავების ფაქტები, რომ აღარაფერი ვთქვათ რუსეთის მიერ საქართველოს ორი რეგიონის დე ფაქტო ანექსიისკენ გადადგმულ ნაბიჯებზე, რაც ძალიან შორსაა მშვიდობის ნებისმიერი გაგებისგან.

ზალკალიანის თქმით, რუსეთის მადესტაბილიზებელი ქმედებების მიუხედავად, საქართველო ერთგულად მიუყვება კონფლიქტის მშვიდობიანი მოგვარების გზას და ძალისხმევას არ იშურებს ჟენევის საერთაშორისო მოლაპარაკებათა ფორმატის ეფექტიანად გამოყენებისთვის. თუმცა, რუსეთის მხრიდან არანაირი საპასუხო ნაბიჯი არ იდგმება და ის კონფლიქტის მშვიდობიანად მოგვარების პროცესში არა მონაწილედ, არამედ კვლავ გარეშე დამკვირვებლად რჩება.

მინისტრის თქმით, უამრავი ხელისშემშლელი დაბრკოლების მიუხედავად, საქართველოს მთავრობა აქტიურად ახორციელებს შერიგებისა და ჩართულობის პოლიტიკას, რომელიც საოკუპაციო ხაზებით გაყოფილ საზოგადოებებს შორის ნდობის აღდგენისკენაა მიმართული.

მინისტრმა აღნიშნა, რომ ამ პოლიტიკის კარგი ილუსტრაციას წარმოადგენს სწორედ მთავრობის ახალი სამშვიდობო ინიციატივა „ნაბიჯი უკეთესი მომავლისკენ“, რომელიც ხალხთაშორისი კონტაქტების გაძლიერებასთან ერთად, აფხაზეთისა და ცხინვალის რეგიონებში მცხოვრებ ადამიანთა სოციალურ-ეკონომიკური მდგომარეობის გაუმჯობესებას ისახავს მიზნად.

მინისტრის თქმით, ჩიხში შესული სამშვიდობო პროცესისთვის ახალი იმპულსის მისანიჭებლად და რუსეთის შესაკავებლად ერთიანი საერთაშორისო პოზიცია არასდროს ყოფილა ისეთი მნიშვნელოვანი, როგორიც დღეს არის.

„მოვუწოდებთ ჩვენს პარტნიორებს, ეს საკითხი ევროპული უსაფრთხოების დღის წესრიგის უპირველეს თემად აქციონ“, – განაცხადა საგარეო საქმეთა მინისტრმა.

ვიდეოკონფერენცია ლევან მიქელაძის სახელობის ფონდის და ქართულ-ამერიკული ბიზნესსაბჭოს ორგანიზებით გაიმართა, რომელშიც მონაწილეობა ასევე მიიღო სახელმწიფო მდივნის მოადგილემ, სტივენ ბიგანმა.

სარეკლამო ადგილი - 11
650 x 60
ვინმეს მოღალატე, გამყიდველი და ოკუპანტი უძახო იმის გამო, რომ შენს, წნეხის ან ემოციის შედეგად წარმოშობილ, შთაბეჭდილებას ვერ ამყარებდე არგუმენტით, კატეგორიულად მიუღებელია
აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
სოზარ სუბარი: დასავლეთიდან ზოგიერთმა პოლიტიკოსმა ქართველ „ენჯეოებს“ პრაქტიკულად მოუწოდა, რომ გავიდნენ ქუჩაში და ისე იბრძოლონ, როგორც უკრაინაში მიდის ბრძოლა უკანასკნელ უკრაინელამდე, სანამ რაიმე არეულობას არ მიაღწევენ
შალვა პაპუაშვილი გამჭვირვალობის კანონპროექტზე: ზედაპირული განცხადებები აჩენს აღქმას, რომ სინამდვილეში ეს არის მცდელობა, გააჩუმონ დემოკრატიული მსჯელობა საქართველოს პარლამენტში, რათა უცხოეთიდან შემოსული დაფინანსებები დაფარული დარჩეს
შალვა პაპუაშვილი: ფაქტობრივად, 21-ე საუკუნეში ეს თანამედროვე აქტივისტები, „ენჯეოები“ და ოპოზიციონერები, 90-იანი წლების ესთეტიკაში დაბრუნდნენ, სადაც ლოზუნგების ქვეყნად აღვიქმებოდით
არქივი