ფოთში, პარტია ,,ევროპული საქართველოს“ მაჟორიტარმა კანდიდატმა გიგა ბოკერიამ წინასაარჩევნო კამპანიის ფარგლებში, პირველი შეხვედრა გამართა. გიგა ბოკერიას თქმით, შეხვედრები აქტიურ რეჟიმში გაგრძელდება.

მისივე განცხადებით, ფოთში მოქალაქეები უმუშევრობის, ეკონომიკური საკითხებისა და კრიმინალურ მდგომარეობასთან დაკავშირებული პრობლემების მოგვარებას ითხოვენ.

,,მარტო ამ ივანიშვილის მოშორება საკმარისი არ არის. უნდა დავანახოთ ხალხს, სწრაფად როგორ წავალთ წინ. უნდა ვაღიარო, რომ ამ ქალაქში, ჩვენს დროსაც ძალიან ბევრ მიქარვას ჰქონდა ადგილი და არ იყო ის ყურადღება, რაც საჭირო იყო, ყველაფერს ეტყობა ეს, ამიტომ მიუხედავად იმისა, რომ ეს ეროვნული არჩევნებია, აუცილებლად მინდა, რომ ჩვენი მკაფიო გზავნილი გვქონდეს. მე, პირადად, მგონია, აქ ერთ-ერთი საკვანძო ამბავი ის არის, რომ გვერდით არის პორტი და ეს ფული არ უნდა მიდიოდეს თბილისში და იქიდან არ უნდა ნაწილდებოდეს. რა შრომითაც ფული იქმნება ადგილზე,იმ ფულის მნიშვნელოვანი ნაწილი უნდა რჩებოდეს ადგილზე. ხალხი უნდა გრძნობდეს, რომ აქ შექმნილი დოვლათის მეპატრონეები არიან თვითონ“, - განაცხადა გიგა ბოკერიამ