„ნაციონალური მოძრაობის“ წევრი ზაალ უდუმაშვილი „ძალა ერთობაშიას“ მიერ  საბურთალოს მაჟორიტარობის კანდიდატურად თაკო ჩარკვიანის დასახელებას გამოეხმაურა და აღნიშნა, რომ მათთან ეს საკითხი შეთანხმებული არ ყოფილა.

„ჩვენთან ეს საკითხი შეთანხმებული არ ყოფილა, მათ რომ დაასახელეს და მხარი დაუჭირეს თაკო ჩარკვიანს ეს ჩვენთანაც უნდა ყოფილიყო შეთანხმებული. ამიტომ, ჩვენ ამ საკითხს გავივლით პარტიაში ჩვენს გადაწყვეტილებას ყველას ვაცნობებთ“, - განაცხადა ზაალ უდუმაშვილმა.

როგორც ცნობილია, გაერთიანებული ოპოზიციის „ძალა ერთობაშიას“ საბურთალოს მაჟორიტარობის კანდიდატი პარტია „კანონი და სამართალის დამფუძნებელი“ თაკო ჩარკვიანი იქნება.