მეტროსადგურ „გოცირიძის“ რეკონსტრუქციისა და კაპიტალური რემონტისთვის
თბილისის სატრანსპორტო კომპანიამ ტენდერი
მეორედ გამოაცხადა.
პროექტის თანახმად, გადაიხურება და ევროსტანდარტების შესაბამისად მოეწყობა მეტროსადგურის ღია ბაქანი; გაკეთდება ალუმინის ფანჯრები და და მოაჯირები; მეტროსადგურის ვესტიბიულის იატაკი მოპირკეთდება ბუნებრივი გრანიტით; დეკორატიულად გაფორმდება კედელი და ჭერი; განახლდება ბაქანზე არსებული დასაჯდომები; შშმ პირებისთვის დამონტაჟდება ლიფტი და ა.შ.
სატენდერო პირობების
თანახმად, სარემონტო სამუშაოები ხელშეკრულების
გაფორმებიდან 210 კალენდარულ დღეში უნდა დამთავრდეს.
სატენდერო წინადადებების
მიღება 22 სექტემბერს დაიწყება და 27 სექტემბერს დასრულდება. შესყიდვის სავარაუდო ღირებულება
2 425 500 ლარია.
მეტროსადგურ „გოცირიძის“ სარემონტო სამუშაოებზე
პირველი ტენდერი 21 მაისს გამოცხადდა. სატენდერო პირობების თანახმად, შესყიდვის სავარაუდო
ღირებულება მაშინ 2 045 650 ლარი იყო. თუმცა, მაშინ ტენდერი არ შედგა.
სარეკლამო ადგილი - 11 650 x 60 |