თბილისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსის შვიდი ახალი შემთხვევიდან ერთი იმპორტირებულია, ხუთი დადასტურებულ შემთხვევასთან კონტაქტში მყოფი პირია, ერთი შემთხვევის წყარო ჯერ უცნობია და ეპიდემიოლოგიური კვლევები მიმდინარეობს.
„შვიდი ახალი შემთხვევიდან ერთი იმპორტირებულია, ხუთი დადასტურებულ შემთხვევასთან კონტაქტში მყოფი პირია და მხოლოდ ერთ შემთხვევაზე გრძელდევა ეპიდემიური კვლევა კონტაქტებისა და წყარის დადგენის მიზნით“, – განაცხადა ეზუგბაიამ.
მისივე თქმით, ინფექციურ საავადმყოფოს კორონავირუსის ახალი შემთხვევებიდან პაციენტი არ დამატებია.
ამასთან, როგორც ეზუგბაია აცხადებს, მასთან კლინიკაში სულ 32 კოვიდინფიცირებული მკურნალობს და ყველას ჯანმრთელობის მდგომარეობა სტაბილურია.
„ჩვენს ცენტრში 38 შემთხვევა იყო, გუშინ გამოჯანრთელდა ექვსი. ახალი პაციენტი არ მიგვიღია და გვყავს 32 დადასტურებული შემთხვევა. მათი ჯანმრთელობის მდგომარეობა სტაბილურია, ყველას ჯანმრთელობის მდგომარეობა სასუალო და საშუალოზე მსუბუქია“, – აღნიშნა ეზუგბაიამ.
| სარეკლამო ადგილი - 11 650 x 60 |
