ავთო ბილანიშვილი იგივე ,,კაწრო" არის უდანაშაულო და ეს დამტკიცდება - აცხადებს გიორგი შაქარაშვილის საქმეზე  ნიკა გვარამიას მიერ ,,ეჭვმიტანილი" ავთო ბილანიშვილის  ნათესავი თამარ მაჭავარიანი.

,,ავთო ბილანიშვილი, ე.წ. ,,კაწრო" - მართალია, ცოცხალია, მაგრამ ის ხალხი ვინც მას და მის ოჯახს სიკვდილს უსურვებთ, ლანძღავთ და წყევლით, აი, იმ ხალხს გეკითხებით ნამუსი გაქვთ?

როდესაც დამტკიცდება რომ ავთო ბილანიშვილი არის უდანაშაულო და ფრაგმენტული კავშირიც კი არ აქვს არც დანაშაულთან და არც ეჭვმიტანილებთან, მაშინ რას იზამთ, გეყოფათ ადამიანობა, გამბედაობა და სამართლიანობა, რომ ბოდიში მოუხადოთ. მას და მის მცირეწლივან შვილს? არაფერს ვამბობ ავთოს დედაზე, რომელიც ძალიან განიცდის მისი შვილის მიმართ ასეთ სასტიკ ცილისწამებას.

ეჭვი მეპარება, რომ იმ ხალხს ვინც ავთო და ნათიას პატარა შვილს წყევლით, იმათ ბოდიშის მოხდის უნარი გქონდეთ.

გიორგი შაქარაშვილის ტრაგედიამ, რომ ყველას გული მოგვიკლა, ეს გასაგებია და ამაზე არ შევჩერდები. დამნაშავე აუცილებლად რომ უნდა დაისაჯოს და ერთხელ და საბოლოოდ უსამართლობას ბოლო უნდა მოეღოს ესეც ცხადია.  მაგრამ ცოცხლად დარჩინილი ადამიანიც, რომ შეიძლება  გაანადგურო, ამას როდის მოეღება ბოლო ამ ქვეყანაში", - აცხადებს თამარ მაჭავარიანი.