BBC-ი წერს, რომ 28 წლის ნიკოლოზ ბასილაშვილს მისი ყოფილი ცოლი ნეკა დოროყაშვილი ადანაშაულებს, 5 წლის შვილის თვალწინ თავდასხმაში.
გამოცემის ინფორმაციით, მსოფლიოს 27-ე ჩოგანი ბრალდებებს უარყოფს და აცხადებს, რომ სიმართლეს სასამართლო დაამტკიცებს.
„კვირას, ბასილაშვილი სასამართლომ 100 000 ლარის გირაოს გადახდის შემდეგ გათავისუფლდა, თუ დანაშაული დაუმტკიცდება, ისვციხეში სამ წელს გაატარებს. წინასასამართლო სხდომა 16 ივლისს გაიმართება.
"მე ვგრძნობ თქვენს სიყვარულს და მხარდაჭერას", - დაწერა ფეისბუქზე ჩოგბურთელმა და დასძინა, რომ ის კომენტარს ამ საქმეზე აღარ გააკეთებს“, - წერს გამოცემა.
საქართველოს პროკურატურამ ყოფილი მეუღლის მიმართ განხორციელებული ძალადობის ფაქტზე ბასილაშვილს ბრალდება სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა. რაც არასრულწლოვნის თანდასწრებით მისივე ოჯახის წევრის მიმართ ძალადობას გულისხმობს.
| სარეკლამო ადგილი - 11 650 x 60 |
