გერმანიის ჯანდაცვის მინისტრის განცხადებით, გერმანია რუსეთთან „სპუტნიკ V“-ის ვაქცინის შესყიდვის თაობაზე წინასწარ მოლაპარაკებებს დაიწყებს
სარეკლამო ადგილი - 10
650 x 60
8 08 აპრილი 2021, 14:35
გერმანიის ჯანდაცვის მინისტრმა იენს შპანმა განაცხადა, რომ გერმანია რუსეთთან „სპუტნიკ V“-ის ვაქცინის შესყიდვის თაობაზე წინასწარ მოლაპარაკებებს დაიწყებს.

იენს შპანის განმარტებით, გერმანია რუსულ ვაქცინას მხოლოდ მას შემდეგ შეიძენს, როდესაც მას ევროპის წამლის სააგენტო დაამტკიცებს.

„გერმანიის სახელით ევროკავშირის ჯანდაცვის მინისტრების საბჭოს განვუმარტე, რომ რუსეთთან ორმხრივი მოლაპარაკებები გვექნება, პირველ რიგში იმის თაობაზე, როდის და რა რაოდენობით ვაქცინის მოწოდება შეეძლებათ“, - აღნიშნა გერმანიის ჯანდაცვის მინისტრმა.

იენს შპანის თქმით, ევროკომისიამ ევროკავშირის წევრი ქვეყნების ჯანდაცვის მინისტრებს განუცხადა, რომ ევროკავშირი არ აპირებს რუსეთთან წინასწარი მოლაპარაკებების დაწყებას „სპუტნიკ V“-ის შესყიდვის თაობაზე.
სარეკლამო ადგილი - 11
650 x 60
არქივი