291
07 აპრილი 2021, 23:41
თურქეთში ათობით ყოფილ სამხედროს, რომლებიც ბრალდებულები იყვნენ 2016 წლის სახელმწიფო გადატრიალების მცდელობაში, სამუდამო პატიმრობა მიუსაჯეს.
სამუდამო პატიმრობა მიუსაჯეს 38 სამხედროს, რომელთა შორის არიან ყოფილი მაიორები, პოლკოვნიკები და ვიცე-პოლკოვნიკები. მსჯავრდებულებს შორის პრეზიდენტ ერდოღანის ყოფილი სამხედრო თანაშემწე ალი იაზიჩია.
კიდევ 106 ადამიანს სხვადასხვა ვადით თავისუფლების აღკვეთა მიესაჯა. 61 წლით და ექვსი თვით თავისუფლების აღკვეთა შეუფარდეს პრეზიდენტის გვარდიის პოლკის ყოფილ მეთაურს მუჰსინ ქუცი ბარის.
2016 წლის ივლისში განხორციელებული სახელმწიფო გადატრიალების მცდელობის დროს 250-ზე მეტი ადამიანი დაიღუპა, 2700-ზე მეტი კი დაშავდა. არეულობის შემდეგ თურქეთში დააკავეს 80 ათასამდე ადამიანი. 150 ათასი საჯარო მოხელე და სამხედრო კი სამსახურიდან გაათავისუფლეს ან უფლებამოსილება შეუჩერეს. გადატრიალების ორგანიზებაში თურქეთის ხელისუფლება აშშ-ში მცხოვრებ მუსლიმი მქადაგებელი ფეთჰულა გიულენს ადანაშაულებს.
სარეკლამო ადგილი - 11 650 x 60 |