არსებული ინფორმაციით, ევროპარლამენტარი ვიოლა ფონ კრამონი საქართველოში შვებულებით, არაოფიციალური ვიზიტით იმყოფება და „თბილისი მარიოტში“ შეხვედრებს მართავს.

გავრცელებული ინფორმციით, მან დღეს შეხვედრები გამართა „ლელოს“ ლიდერებთან - მამუკა ხაზარაძესა და ბადრი ჯაფარიძესთან, ასევე ყოფილ დეპუტატ თამარ ხულორდავასთან. ამ წუთებში მასთან შეხვედრაზე იმყოფება ანა დოლიძე.

საქართველოს პირველი არხის ინფორმაციით, დღესვე დაგეგმილია შეხვედრა საქართველოს პარლამენტის საგარეო ურთიერთობის თავმჯდომარის მოადგილე გიორგი ხელაშვილთან.

ვიოლა ფონ კრამონმა შეხვედრები გუშინაც გამართა. „ნაციონალური მოძრაობის“ წევრის, სალომე სამადაშვილის გარდა, შეხვედრები ჰქონდა საპარლამენტო უმრავლესობის ლიდერ ირაკლი კობახიძესა და საქართველოს პრეზიდენტ სალომე ზურაბიშვილთან.