ეპიდემიოლოგიური ვითარების გაუარესების გამო საფრანგეთი კორონავირუსის გავრცელების საპრევენციო ზომებს ამკაცრებს.  დღეს საღამოს ქვეყანაში კომენდანტის საათი ამოქმედდა და მოსახლეობას ქუჩაში გასვლა 18:00-დან 06:00-მდე ეკრძალება.

დღეიდან საფრანგეთში მოგზაურობასთან დაკავშირებული ახალი შეზღუდვაც ამოქმედდება. ევროკავშირის არაწევრი სახელმწიფოებიდან საფრანგეთში ჩასვლის მსურველებმა COVID19-ზე ნეგატიური ტესტის პასუხი უნდა იქონიონ და ერთი კვირა იზოლაციაში უნდა გაატარონ.