წარმომადგენელთა პალატის სპიკერმა ნენსი პელოსიმ განაცხადა, რომ აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელს, გენერალ მარკ მილის პრეზიდენტ ტრამპსა და ბირთვულ კოდებზე ესაუბრა.
„გენერალ მარკ მილის ვესაუბრე. შესაძლო ზომები განვიხილეთ, რათა არასტაბილურ პრეზიდენტს საბრძოლო მოქმედებების დაწყების ან ბირთვული დარტყმის განხორციელების საშუალება არ მივცეთ. ამ აწყვეტილი პრეზიდენტის მდგომარეობა საშიშია და ჩვენ ყველაფერი უნდა გავაკეთოთ, რათა ამერიკელი ხალხი ჩვენს ქვეყანასა და ჩვენს დემოკრატიაზე მისი გაუწონასწორებელი თავდასხმისგან დავიცვათ“, - აღნიშნა წარმომადგენელთა პალატის სპიკერმა.
7 იანვარს აშშ-ის წარმომადგენელთა პალატის სპიკერმა ნენსი პელოსიმ დონალდ ტრამპის თანამდებობიდან გადაყენებამოითხოვა.
6 იანვარს ვითარება ვაშინგტონში მას შემდეგ დაიძაბა, რაც დონალდ ტრამპის მხარდამჭერები კაპიტოლიუმის შენობაში შეიჭრნენ, სადაც საპრეზიდენტო არჩევნების შედეგებს ამტკიცებდნენ. დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა. არეულობის შედეგად 5 ადამიანი დაიღუპა. ვითარების კონტროლქვეშ აყვანას რამდენიმე საათი დასჭირდა, რის შემდეგაც კონგრესმა მუშაობა განაახლა და ჯო ბაიდენის პრეზიდენტის პოსტზე არჩევა დაამტკიცა.
სარეკლამო ადგილი - 11 650 x 60 |