BB-ის ინფორმაციით, აშშ-ის საკვებისა და მედიკამენტების ადმინისტრაციამ (FDA) კომპანია Regeneron-ის მიერ შექმნილი კორონავირუსის სამკურნალო პრეპარატის გამოყენებაზე საგანგებო ნებართვა გასცა. 

გამოცემის ინფორმაციით, პრეპარატი, რომელიც კორონავირუსის ანტისხეულების ნაზავს წარმოადგენს, გამოიყენება 12 წელს გადაცილებული პაციენტებისთვის, ვისაც დაავადების მსუბუქ ან საშუალო სიმძიმის ფორმა აღენიშნება და მდგომარეობის გაუარესების რისკი არსებობს. 

"ანტისხეულების კოქტეილის"  გამოყენება  აკრძალულია ჰოსპიტალიზირებულ  და   ჟანგბადდამოკიდებულ  პაციენტებზე.

Regeneron-ის პრეპარატი მონოკლონური ანტისხეულების ორ სახეობას შეიცავს. სწორედ ამ „კოქტეილით“ უმკურნალეს აშშ-ის პრეზიდენტ დონალდ ტრამპს, რომელმაც მისი ეფექტიანობა დადებითად შეაფასა.